黃健怡新歌讓人重拾初初出世時的感覺。
唱作女子組合Beanies成員之一的Winky(黃健怡)，3月推出首支個人單曲《喵喵厭世學》，成為今年首位出歌的女新人。日前Winky承接《喵喵厭世學》，再推出第二首個人單曲《初初出世學》。新歌由Winky親自作曲，並請來Oscar Lee填詞，黃兆銘編曲及陳考威監製。
MV以動畫呈現，有更大的想像空間 。
第一首歌，Winky與填詞人Oscar以厭世貓的視覺看世界，今次，Winky再與Oscar攜手，用了同一個場景，但另一個角色，衍生了《初初出世學》，Winky說：「寫嘅係主人，好可惜個主人正在面臨生命完結前嘅階段，但當刻佢嘅痛苦已經變為唔重要，最重要嘅係佢已經搵到佢最深愛嘅嘢，呢樣嘢可以係一個人、一件事又或者係一個經歷，而呢個主人最深愛嘅就係佢隻貓。對佢嚟講，搵到深愛嘅一隻貓，就等於重拾初初出世時嗰份無瑕、純潔。」當人能將死亡看透，能夠抱住本來無一物的思想去面對死亡，會發覺初來世界那份純真，是如此的純粹。
2024年樂壇唱作女新人黃健怡推第二首個人單曲《初初出世學》。
新歌《初初出世學》的MV，在既是填詞人又是creative director的Oscar提議下，找來了Issac負責動畫片製作，出來的效果令Winky非常滿意，她說亦有難忘部份，「用動畫去呈現，可以令聽眾有更大的想像空間，因為動畫可以跳出現實的框框，動畫中有一幕我很記得，係有個女仔瞓咗喺度，慢慢zoom out原來佢係瞓咗喺隻好似黑膠嘅黃色碟上面，再zoom out原來係一隻貓眼，我覺得好唯美，又可以俾大家好大嘅幻想空間！」Winky希望大家能夠透過《初初出世學》，可以感受到歌曲帶給大家的情緒，搵到大家深愛的人或事，重拾初初出世時的感覺。
MV講及時個女仔瞓咗喺隻好似黑膠嘅黃色碟上，再zoom out原來係一隻貓眼。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
