黃心穎同男友泥鯭傳入紙註冊結婚 被指爬頭馬國明湯洛雯搶先嫁
自從「安心事件」後，黃心穎事業愛情一鋪清袋，但今年似乎出現轉機！黃心穎同Rubberband鼓手泥鯭（黎萬宏）拍拖後，今年喺男友協助下以歌手身分再出發，推出兩首單曲；感情方面，有傳媒報導指心穎同泥鯭傳出婚訊，甚至話係「雙喜臨門」！
報導指泥鯭曾離婚
報道指，黃心穎與泥鯭近日已經入紙申請註冊結婚，並暗示似乎係「搞出人命」，真係喜上加喜。如果消息屬實，心穎有望早過舊愛馬國明同「前姊妹」湯洛雯喺年底嘅佳期，難怪被指係爬頭搶先結婚。報道又提到，兩人的註冊資料上顯示，泥鯭嘅婚姻狀況填上「離婚」。暫時二人未有在社交媒體或其他渠道確認喜訊。
黃心穎與泥鯭在2020年被傳媒踢爆因為養狗而撻着，之後心穎同泥鯭亦不避嫌高調晒愛，Rubberband之前去英國開show，心穎都有隨團打氣做泥鯭嘅「跟得夫人」。而心穎到電台宣傳新歌時，泥鯭都一齊出席節目受訪。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
