與Aka有身體接觸，溢濠即時表演拘謹。
邵仲衡、趙慧珊(Aka)、黃溢濠為舞台劇《晚安》拍攝海報，Aka和黃溢濠拍攝其間態度親暱，令溢濠顯得尷尬，在旁的邵仲衡對Aka大叫：「你唔好摸佢啦！」，令現場氣氛非常搞笑。
邵仲衡排戲時非常照顧後輩。
事後Aka就自爆「大佬孝」喝止自己摸溢濠，更笑稱對方「硬晒呔」：「其實溢濠佢真係好紳士，每次掂到我都會講聲『我會掂到你條頭髮、我會摸到你膊頭』，所以我叫佢當我男人咁影就得。之後到我主動摸溢濠，就比孝哥叫停喇，因為佢睇晒劇本知道我地啲關係，叫我點到即止。」
舞台劇《晚安》海報。
演戲有奇難雜症可找大佬孝
邵仲衡被Aka、溢濠稱為「大前輩」，他對笑言後輩笑言，對演戲有甚麼「奇難雜症」，都可以搵他傾訴，並稱自己「吹得幾吓」無私分享：「劇中我係賣二手衫，都諗過搵私伙衫做道具，不過原來角色比較斯文，啲衫未必好夾。其實呢次舞台劇叫《晚安》，我都試過夢境預知未來，當年喺TVB拍劇，一直都冇同梁朝偉合作，但發夢同佢喺餐廳食飯，到咗第二日竟然夢境成真，同偉仔同枱食飯。」
Aka、溢濠均稱，日後有甚麼演戲奇難雜症，會找大佬孝詢問。
amJetso 送BIODERMA救星小紅瓶🩷護膚恩物 立即按此參加👇
