黃耀明昨晚在灣仔演藝劇院舉行一連六晚的《黃耀明明曲晚唱音樂會》，全場爆滿，不少好友如劉以達、何韻詩、盧凱彤、香港眾志的羅冠聰以及袁嘉蔚等亦有到場支持。此外，更有不少內地歌迷專程捧場，並大叫「好好聽」，明哥聽後笑答： 「嘩！好耐無聽過普通話喇，多謝你地嚟香港支持我。」
香港眾志的羅冠聰與女友袁嘉蔚，以及學民思潮的林朗彥(左一)亦有到場支持。
黃耀明開騷當然少不了老拍檔劉以達到場支持。
明哥一開場，便先唱了幾首與蔡德才合寫的作品，包括《人山人海》、《十號風球》及《一千場戀愛》等，明哥多番強調，今次是一個任性嘅演唱會，會唱好多side cut 歌，純粹由自己喜好出發，無理會聽眾的感受，聽後全場拍爛手掌，明哥笑言：「原來大家都唔想再聽《春光乍洩》。」明哥表示，今次很感激蔡德才：「今次音樂會真係辛苦晒蔡德才，要佢一人包辦整個音樂會嘅音樂，我哋足足排咗一個月，上個星期仲晚晚通宵排，大家覺得啲音樂編排係咪好正呢。」
為異見人士高歌《舞吧舞吧舞吧》
明哥指，本以為今次演唱會很輕鬆，誰知開騷前病倒，屋企樓上又裝修，所以瞓得不好，沒有機會運動，出場前攞鞋更扭親條腰。明哥又稱：「大家屋企樓上樓下會唔會都成日裝修？不過我就慘啲，因為我朝早9點先瞓，所以真係嘈到冇得好瞓。」明哥隨後唱罷《舞吧舞吧舞吧》 更一度感觸落淚，並說：「當年宗呢首歌時，一心係為惦念因六四言論政見，被囚禁於監獄嘅異見人士所寫。」
入App免費換走健康產品
