黎彼得因為流感出現肺花等問題，需要入住ICU。
現年75歲的黎彼得消失近1個多月，他主持的YouTube節目《玖噏秘笈》已有逾1個月未有更新，令觀眾很擔心黎彼得。原來他因為患流感出現呼吸困難，更需要入住ICU兼輸兩包血。
黎彼得拍片交代近況及分享入院情況。
靠鍾志光搵囝囝
據了解，黎彼得自2月頭拍完節目之後，回家睡覺時感覺到呼吸不暢順，身體有點不舒服，開初他以為感冒，到第二天去睇醫生，經醫生照肺，因為肺花要入院檢查。他入院後繼續出現呼吸困難症狀，駐診醫生就建議入ICU深切治療部，因入ICU比較嚴重，醫院就叫黎彼得打電話叫屋企過人來，但他致電予兒子時未有應機，於是找好朋友鍾志光幫忙。
鍾志光第一時間去黎彼徳屋企，接其子去探父親，當時黎彼得需要入住隔離病房，父子僅可隔着玻璃相見。
黎彼得很多謝鍾志光幫忙。
插尿喉輸兩包血
黎彼得在住院期間，因腎功能指數好高，需要插尿喉解決大小二便，以及因貧血而需要輸兩包血。他指今次住院經歷一世難忘，多謝醫生護士各方面照顧。他更特別多謝鍾志光幫忙、及買食物來。黎彼得又向大家分享最新近況：「冇乜事啦！有心！現在家休養。感謝各好友﹗健康最重要﹗感謝每位關心支持﹗」
立即更新/下載AM730手機APP 體驗升級功能
