上個禮拜香港戲院只有2套新片上映，因為各位發行商見到Marvel新片《黑豹2︰瓦干達萬歲》都讓路，無謂送頭。結果黑豹真係不負眾望，全球開畫票房高達3億3000萬美元，當中1億8000萬係來自北美。
《黑豹2》開畫條數係今年年度第2位（冠軍梗係《壯志凌雲︰獨行俠》），亦打入疫情時期荷里活最高開畫票房三甲，條數比起早排上畫嘅DC漫改片《黑亞當》多近一倍。
對北美市場而言，《黑豹》系列唔止係超級英雄片，仲可以話係為非裔人士發聲嘅另一途徑，所以喺北美及非洲反應極佳都可以預期，喺尼日利亞更加取得史上最高開畫票房。而喺亞洲方面，觀眾入場睇就主要因為電影口碑，所以票房反應算係稍低於預期，喺日本更加輸俾新海誠嘅動畫新作《鈴芽的門鎖》。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
