2018-08-31 06:00:00

[專訪]組新平台助初創者曾俊華否認集氣捲土重來

曾俊華離開官場逾一年半，並無閒下來，除了每天多睡2小時才起床外，工作依然忙碌，唯一最大分別，「依家只做自己鍾意做嘅嘢」。他現時身份多多，既是投資銀行Ion Pacific副主席，亦加入IT公司Benefit Vantage Limited力推手機身份認證系統，還在港大講課，當然少不了為慈善機構出力，近日則忙於成立「薯片叔叔共創社」，這個平台原稱「薯片叔叔合作社」，他笑言，「香港『合作社』要特首批准」，易名原因不言而喻。

新平台取名西班牙文「希望」
曾俊華選舉時提出「信任、團結、希望」三大口號，他避談這三大願景在過去一年半有否出現變化，但特意將新平台取名「Esperanza」，「希望係重要嘅，所以其中一個理由我成立Esperanza共創社，Esperanza係西班牙文，意思係『希望』，即係希望可以創造到一個空間，俾人一個希望嘅空間。」
「薯片叔叔共創社」的性質，主要是協助社企或青年搞初創企業。他指年輕人不乏意念，但缺乏網絡及營運方面的專業知識，因此他希望借助其人脈網絡及知識，「幫助佢哋，帶佢哋走下一步。」

全球政府信任度跌網上集民意解難題
新平台亦會引進crowdsourcing(眾包)意念，在網上集思廣益，「希望眾籌一啲諗法，唔止香港，喺香港同國際上眾籌到一啲idea入嚟，可以解決到香港問題。」網上徵集民間智慧，儼如扮演民間政府推動政策的角色，他不諱言，各地政府均面對信任度下跌問題，他引述國際公關機構Edelman的trust index說，「商業機構對政府嘅信任程度跌得好快，反而愈嚟愈對社會企業civil society信任提高，相信跟住嚟因為亦用社交媒體關係，好多嘢分散咗，唔係一個集中模式……我哋希望喺呢度做多啲工作。」
曾俊華去年競逐特首時，成功利用社交媒體打出漂亮的民意戰，記者追問他是否有意借助新平台繼續集氣，準備下次特首選舉捲土重來，他不假思索說，「絕對冇諗過呢方面嘅嘢」。

革命性構思分階段接受教育
「共創社」的頭炮與教育有關，近期正與多個教育有關的社企商討籌辦論壇，主題是探討廿一世紀教育如何發展。曾俊華說，現時人自出生起至成長，普遍集中在前二十年階段接受教育，「讀幼稚園、小學、大學、做埋研究院，你都廿零歲，你所有得嘅知識，都係初初𠴱廿幾年，呢個係啱定錯？」他認為，這種制度恍如視科技發展停頓，「世界上啲科技、知識，邊有一樣嘢可以行到一百年？行到五十年都冇，啲嘢變得好快，所以我哋應該要將呢個概念更改。」他提出分階段分配教育資源的構思，「如果將我哋接受教育嘅時間，分開兩至三次做得唔得？」他舉例說，「初初一段時期俾佢做一啲嘢(就業)，去到三十歲，再讀一啲嘢，然後做第啲嘢，去到六十歲，又再分配一啲教育資源俾佢再學其他嘢，咁再進步……」這個構思頗具革命性，他直言，「我希望有啲突破」。
曾俊華早前在一個論壇曾表示，「我希望70歲前搵到突破對世界貢獻」，大抵他正朝這個目標努力。