有深水埗區議員要求西九龍中心外牆廣告下架。（網上圖片）
資深傳媒人車淑梅昨日在Facebook發文，內文只有三個字，就係「嚇一跳…………」，究竟乜嘢令到淑梅姐嚇一跳呢，原來係一個商場的外牆廣告。
淑梅姐喺個帖度po埋一張相，明眼人一睇就知道係西九龍中心外牆，唔少網民留言，有網民話：「可能佢想表達吓青春活力，年青一代…大家用平常心」但亦有網民不以為然，認為「教壞小朋友」，更有人認為「外牆廣告要送檢，否則禍害無窮」。
淑梅姐同網民都有互動，佢仲叫大家都可以表達觀感。而另一邊廂，民建聯深水埗區議員劉佩玉就話，接獲大量家長投訴，指子女睇到該廣告後感到不安，加上西九龍中心附近有不少學校，擔心廣告發放出來的訊息會為學生帶來不良影響，所以今日會去西九龍中心請願，要求將廣告下架。
amJetso送太興鮮臘腸 👇立即按此參加
