慈雲山慈正邨邨民投訴被大媽聲浪吵醒。(Vian Lam@FB群組「慈雲山資訊交流」)
有人話擾人清夢者罪大惡極，但香港地少人多，要搵一個安樂窩真係唔容易！一班相信係大媽的晨運客，大清早在屋邨空地「thing手thing腳」做運動之餘，還雞啄唔斷，但聲浪之大嘈醒唔少人，連住喺38樓的街坊都聽到，有人好無奈說：「你哋傾計我唔想聽！」
有網民日前在Facebook群組「慈雲山資訊交流」發帖，貼出一張從高處拍攝的相片，顯示有4名相信是大媽的晨運客，在慈正邨正泰樓後方一處空地相聚，樓主出po的時間是不少人仍好夢正酣的早上7時許，估計是被樓下的聲浪吵醒，難怪貼文亦語帶無奈：「你地(哋)傾計唔洗話我知架喎我唔想聽囉」。
不少網民留言，批評發出聲浪的人擾人清夢，「好無品」。原來不少邨民也是受害人，有人說「日日都俾人嘈醒」，有邨民指「唔係講笑 嗌到37樓都(聽)到」，但原來高處未算高，有邨民稱「我38樓都覺得嘈」。
有網民指每日朝早7點被大媽嘈醒，曾向房屋署投訴但不果，大媽們繼續拍手拍腳、耍太極、腳dum地及講嘢勁大聲。有人笑言「對住佢地(哋)讀返D內容出嚟」，或以「音波炮」還擊；另有網民向樓主提議，「與其叫佢哋收聲，不如諗吓有冇其他方法可以幫到自己，例如戴耳塞、關窗開冷氣之類的方法」。
香港居住環境擠迫，相信大家也曾飽受噪音之苦，若大家有其他更有效的方法，不妨互相分享。