海拔136米嘅神奈川縣二宮町吾妻山公園，可以飽覽富士山與相模灣景色。呢度有隻每星期都同主人一齊登山嘅喵喵，成為當地嘅「人氣貓」。呢隻8歲蘇格蘭摺耳貓叫「Chami」。70歲嘅男主人為咗自己同Chami嘅健康，而開始呢個登山旅程，人貓「登山之旅」喺7年間已登山約600次。
2010年夏天出世嘅Chami，3個月大開始陪伴男主人。佢1歲時接受結紮手術後開始變肥，所以男主人喺2011年秋天開始帶佢行山，呢幾年間Chami體重維持11磅左右。途人登山時見到Chami，都會驚訝佢點解會識得行山，仲會同佢影相留念。Chami好似知道自己好受歡迎咁，每次有人同佢合照，佢都會企定定影相，超醒目!
【限時激減】800 amFUN 2盒！1200 amFUN 4盒！
