安達臣道發展區已有兩條屋邨、共22座公屋落成。(資料圖片)
平日早上返工繁忙時間，交通擠塞在所難免，但距離港鐵彩虹站近兩公里的「四順」(即順利邨、順天邨等)居民，每朝卻要面對嚴重擠塞的新清水灣道(「新清」)，有街坊直言「塞車塞人到呢個程度，行路真係好過搭車」。
有「四順」居民近日在facebook群組「順利邨 Shun Lee Estate」發帖，問其他網友「每朝究竟由幾點開始塞車」，以及「是否應搬離四順？」發帖者補充，往年約7時40分上車落山也不太擠塞，但自從安達臣道發展區安達邨和安泰邨入伙後，情況愈見嚴重。
帖文旋即引起一班街坊的共鳴，有網民稱「呢一年疫情大家都見到乜原因而塞車」，他指出當大部分在家工作，早上新清水灣道很暢順，其後政府帶頭局部復工，路面立即稍為多車，當學校復課後已回復以往大塞車。有網民抱怨「樓就愈起愈多，路就大家都用個條，重要愈嚟愈窄，朝早又多私家車貨車，四順落彩虹，10分鐘都變30分鐘啦。」有街坊就提到7時30分與7時40分上車雖只相隔10分鐘，但抵達彩虹站的車程已相差最少半小時。
這個問題其實已困擾「四順」居民多年，早前亦有網民稱「日日新清都塞到喊，幾乎搞到遲到」，花半個小時仍未能到彩虹站。該網民續指行半個鐘不是問題，「最大問題係冇瓦遮頭，好天曬死你，仲要戴住口罩，行到彩虹我啲汗係眼角到滴落嚟，好辛苦」。面對嚴重擠塞的問題，若要準時抵達目的地，或要仿傚網民「譚雪梨」所言：「6:30前上車，冇塞但都開始有學生，結果我早咗一個鐘頭返公司呆坐」。
一眾街坊在網上訴苦，指落山往牛池灣的新清水灣道每日都擠塞。(FB群組「順利邨 Shun Lee Estate」)
