2018-02-14 13:08:00

【開心團年】團年飯買餸攻略(1)

團年大過天，一家團聚吃飯好緊要，阿媽一早就去北角街市「掃貨」，雞、魚、花、生果必買啦。咩價呢？阿媽話我知，北角街市嘅團年貨好新鮮，最多人買生果有韓國南水梨、水晶梨同美國桃駁梨，日本世界一蘋果都好靚。阿媽仲買埋火龍果，30蚊3個，佢話算抵喎!

聽日年三十，就係團年正日，阿媽就話 : 「衰仔，聽日係正日，買餸聽日仲貴啦。」佢話例如火龍果今日賣30蚊3個，聽日就賣38蚊至42蚊3個；韓國水晶梨今日賣48蚊4個，聽日賣58蚊4個，總之聽日買生果比今日貴10蚊左右。