有網民使用自修室時，發現鄰檯有賭徒「擺陣」，放了多份波經「做功課」研究投注策略，引發熱議。(Threads)
圖書館自修室大多供學生做功課溫書，但亦有其他使用者看書及報紙，更有人「刨波經」。近日有網民使用自修室時，發現鄰檯有賭徒「擺陣」，放了多份波經「做功課」研究投注策略，引發熱議。
社交平台Threads近日有網民發帖稱，「見到同學星期日都不忘自修室苦讀，感動」，照片可見位於一自修室內，有使用者剛離開座位，其檯面放有筆、斜孭袋、眼鏡、文件夾、差電線、水瓶，最注目當然是報紙波經版。該名使用者疑似影印多份球賽投注項目，更可見該賭徒用紅筆於每場球賽右方寫了數字，疑是在「自修做功課」作數據分析及研究投注策略，其中一份更貼於擋板玻璃上，相信是在方便查看之餘亦「警醒」自己。
帖文引發其他網民熱議，笑稱「精算嚟喎」、「好乾淨企理！好似都幾認真咁」， 拍照樓主回應稱相信對方正研究機率，「係數學磚家！」、「何止企理，睇清楚裡面有晒佈局架」。有網民稱「專業自修生，好豐富經驗」、「唔好阻佢呀，一陣輸左XX你」、「做緊數據分析，賺好多錢㗎 」、「大數據分析」、「書中自有黃金屋 」、「社會學研究」、「呢啲係叫搵食」。
ADVERTISEMENT
