住戶蘇先生(右)。(李朗僑攝)
大埔宏福苑五級火至今仍未救熄，現場不時有竹棚掉落，並發出的巨響；但火災現場臨近的廣福休憩處，便聚集了不少人圍觀，當中既有受災的居民，亦有前來關心的街坊。
不願出鏡的居民蘇先生表示，在火災翌日便到休憩處眺望已被大火燻黑的家。居於30樓高層的他指，事發時正在上班，「都可以話係避過一劫嘅」，很多住戶雖要上班，但亦可能是「Work From Home」；加上大樓沒有火警鐘及煙霧感應器，煙一大就控制不住。他形容，這裡有很多老人家，住高層的根本走不到樓梯。
蘇先生原本以為火勢只影響宏昌閣一邊，豈料7棟樓全部燒着，質疑消防應變不足，「 百幾個消防員得嗰兩三支水喉，到依家都(水)仲未射到上高層，又唔掟水彈」，直言錯失了最佳撲救時機。
曾投訴30樓高層有煙頭
蘇先生又稱，工程期間已多次發現工人亂丟煙頭，「一個月前，我係30樓都見到有少少煙頭，我諗樓下會更加多，我哋投訴過，但無人理，只顧住錢銀問題，安全問題就唔使理」。他批評承建商安全訓練及監管鬆懈，終令火種釀成大禍，「好似係我哋嘅不幸，但其實係監管不力所致」。
最大嘅需求係復原屋企
「最大嘅需求就係而家燒到咁喇，點樣復原呢？ 承建商仲會唔會包底搞掂呢」 蘇先生指，大廈早前因政府強制進行大維修，已向承建商支付九成工程款，「辛辛苦苦俾咗十幾廿萬錢，卻換來如此下場，邊個會承擔呢？」他現時最關心的是保險與樓宇結構的問題，「唔通我哋日日仲要住喺啲烏黑黑嘅樓？」希望政府促成重建。
現時他正等待消防員完成搜救行動，「 當年嘉利大廈都處理咗十日」，將在庇護中心渡過日子。
謝同學。(李朗僑攝)
學生擔心同學到場守候
今日同場的亦有謝同學，他表示自己的同學居住於起火屋苑附近，因擔心住在附近的同學安危，一連兩日都逗留在火災現場四周，所幸他得悉同學已被安全救出，終於放下心頭大石。
他憶述昨日起火初時場面非常混亂，「有啲消防員喺度不停咁樣跑嚟跑去，大叫我要做啲咩」， 熊熊烈火令他感到非常心痛。他表示，「依家裡面仲有二百幾個人諗起都覺得好慘好慘，希望可以快啲救返佢哋出嚟」。
學校未通知復課時間
另外，謝同學又透露，自己就讀的大光德萃書院正停課，他相信學校正備用作庇護中心，「咁樣做好好」，而校方暫時未告知他明日需否上學，「就算突然唔使考試，因為呢啲事，我都唔開心唔起。」
莊小姐。(李朗僑攝)
街坊感香港人充滿愛心
居於一街之隔的廣福邨居民莊小姐，則帶同子女觀察現場環境，「啲小朋友想了解發生咩事，所以我就打開咗落嚟望一望」。她表示，昨晚不時聽到爆炸聲，非常懼怕火勢蔓延至廣福邨，她已做好暫時撤離的準備，幸最終火勢未有來到住處，但從網上和窗外看到的景觀，亦令她非常痛心和無力。
莊小姐表示，事件同時亦令她有感香港人充滿愛心，「見到網上好多人發起幫助」，而她亦打算捐贈一些兒童衣服給予受災居民。經過今次事件，莊小姐稱，會更加小心火警的風險，同時亦會照顧兩個子女的情緒，「同佢哋講我會保護佢哋」。她又寄語受災居民，「事情都發生咗，希望大家可以收拾心情面對」。
