最近，韓國出現一隻網紅狗仔「年糕」，8月初，年糕主人喺路上將呢隻滿成身泥、污糟糟嘅狗仔帶番屋企收養，呢位未養過狗嘅新手主人，就將年糕照片傳上網，並向網友求助點幫狗狗沖涼。可愛小年糕立刻吸引無數網友注意，
，主人之後仲喺IG上為年糕註冊咗個帳號，結果唔到1星期就超過20萬粉絲，依家粉絲更有成76萬！
最近年糕紅到連SBS電視台都特登幫佢做專訪，甚至人氣韓劇《我的ID是江南美人》嘅男二郭東延都係年糕嘅忠實粉絲！
郭東延幾乎喺年糕每張相都留言，例如有次佢就留言：「我幫年糕買個果園好不好？」而年糕主人亦搞笑回覆：「我家就是開果園的呀，主教大人！」然後郭東延又秒回：「為了年糕願意去當農夫！」佢甚至誇張到連上電視宣傳都向年糕示愛，非常痴情。
