【隨便發張相就可成書】話題Twitter「不存在的書」

隨便喺網上發張相，就可以攞到一本書？Twitter帳號「ない本@nonebook」(不存在的書)於 9月底開設，只要網友提供一張照片，真係求其一張連主題都無嘅低能相都得，佢就通通都可以變成一本書！

呢一本本「不存在的書」，封底、介紹、條碼一應具全，真書一樣，文案仲好吸引，放喺書店分分鐘會想睇，好似有網民傳咗一張茶几上放滿雜物嘅相俾佢，結果就變成一本走詭異驚慄風嘅《死人的肖像》，文案係「逃離故鄉的青年山田，便宜租到的房間上周才有人過世，連家具家電都全部留下，完全沒打掃過的遺物......」

原來，呢位日本網友係喺雜誌連載短篇小說嘅推理作家能登たわし，最近佢轉咗行設計廣告傳單，但因為經驗不足需要練習，先會突然開呢個帳號，練習設計技巧，估唔到會無心插柳咁因而備受注目，大家又有無興趣去投稿？