筲箕灣一名99歲陳姓老婦疑晾衫時失足墮樓身故。(無綫新聞畫面)
筲箕灣一名99歲陳姓老婦疑晾衫時失足墮樓身故。其家人透露，陳婆婆身體壯健，「起居飲食完全冇問題」，每日行山晨運，平日亦會食保健品養生，家人原定下周為陳婆婆舉行百歲宴慶祝生日，詎料發生慘劇，感到痛心及無奈。
因不方便晾衫 拒房間裝窗花
事發在昨日（18日）下午，警方接獲報案指，一名老婦懷疑從東駿苑銀駿閣高處墮下，警方調查後懷疑死者在單位晾衫失足墮樓。
99歲的陳婆婆原本獨居，惟見母親年紀漸大，兒子與媳婦於6年前搬入同住方便照顧。媳婦接受傳媒訪問時透露，陳婆婆身體健壯能自理，無長期疾病，平日除了飲用滋補湯水外，更會服用營養粉及蛋白粉等保健食品。只要天氣晴朗，陳婆婆必會清晨6時出門口行山晨運，約4小時後才回家，「同人話佢成百歲都無人信呀，一般6、70歲都唔夠佢行得快。」事發時家中只有婆婆，媳婦估計她在房間準備晾毛巾時失足，房間內並無安裝窗花，「之前曾提出加裝，但婆婆以不方便晾衫為由拒絕」。
婆婆原定下周100歲生日，全家計劃替她舉辦百歲壽宴，詎料發生慘劇，家人均感到非常難過，「佢年紀大要走都唔係問題，但點解會咁樣走，佢應該係好風光㗎嘛」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
