Chris(右)舊年喺杭州亞運擔任羽毛球賽事裁判。(公務員事務局FB)
杭州亞運舊年圓滿閉幕，香港運動員成功喺賽事取得破歷屆紀錄嘅獎牌數目。除咗港隊之外，公務員事務局原來都有代表參與杭州亞運，不過佢就唔係落場運動，而係為羽毛球團體賽及個人賽擔任裁判。
公務員事務局今日(11號)喺社交網站話，嚟自該局法定語文事務部職系管理組嘅高級法定語文主任葉定邦(Chris)，依家負責人事管理升遷安排。Chris自1998年開始已經幫手做本地羽毛球賽嘅裁判，之後一直考上去，最終2016年拎到世界羽毛球聯會裁判資格。
上司調動工作讓佢安心出發
Chris早前獲邀擔任亞運裁判，公務員事務局話佢上司知道之後，覺得機會難得、非常支持，所以就幫佢適當調動工作，等佢可以安心出發。講到公務員同裁判崗位，Chris就話兩個崗位都係要按規則或程序作出公平、公正嘅決定同安排。佢最近更被邀請做今年巴黎奧運羽毛球賽事裁判，相信到時又會有另一番體驗。
立即更新/下載AM730手機APP 體驗升級功能
