粉嶺華明邨出現「燃放孔明燈」告示（網上圖片）
聽日就係中秋佳節，康文署頻頻呼籲市民，歡度佳節嘅同時，千祈唔好煲蠟、放孔明燈，或者將熒光棒拋到樹上。有網民竟然發現有屋邨十分斗膽，公然同政府唱反調，宣傳燃放孔明燈？原來有網民喺粉嶺華明邨見到屋邨有大大個牌寫住「燃放孔明燈」同「嚴禁煲蠟及」，即場嚇一跳，然後先發現告示唔係由上至下、右至左讀，反而係左至右讀先讀到「嚴禁煲蠟及燃放孔明燈」嘅本意，網民大呼「中文都是從上至下及從右至左，依家屋邨管理處竟然搞錯成從左至右，仲要擺出嚟示眾！」
中秋佳節大家都想安全快樂地過，咁樣搞一搞又真係嚇大家一跳，無論係邊個寫都好，注意返中文書寫方向，就唔使令人誤會啦。最緊要係大家都收到個訊息，千祈唔好煲蠟同放孔明燈啊，安全要緊，Ray 都祝大家有個快樂團圓嘅中秋節！
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
