宋芝齡偕關愛隊探長者，尷尬被稱「安德尊老婆」。(宋芝齡Facebook)
昨日(10日)香港多處地區氣溫下降至10度左右，趁香港迎嚟入冬之後最凍嘅日子，灣仔青年聯會主席、自由黨宋芝齡伙同灣仔關愛隊家訪探長者，仔細詢問佢哋嘅身體狀況之外，仲提醒佢哋注意寒冷天氣，亦送上食物等物資。
宋芝齡表示，交流互動的過程中，真切感受到長者對關懷嘅渴望，亦收穫好多溫暖與感動，不過探訪期間亦都發生一件令佢哭笑不得嘅事。事源一名婆婆原本認唔出本身係藝人嘅宋芝齡，當義工道出全名之後，婆婆即刻「搶答」：「哦！我知啦！安德尊老婆安太！」
澄清兩人為同事關係
宋芝齡馬上否認，笑言兩人之間只係同事關係。不過，婆婆仍然「鼓勵」佢把握機會與安德尊發展，「你捉住佢啊，佢真係好有錢，雖然好嘈」，搞到場面尷尬又惹笑，連當事人宋芝齡都開懷大笑。
入App免費拎荷花BB展入場券
