政府推出專題網站介紹慶回歸活動資訊（網站截圖）
為慶祝香港特區成立26周年，港府同社會各界推出一系列特別優惠同活動，畀市民感受節日氣氛，共慶回歸。政府上月20日出稿話，慶祝回歸26周年各項活動嘅最新資訊已上載專題網站www.hksar26.gov.hk ，七一臨近，Ray 一於上個專題網站睇下安排下未來幾日點樣慶回歸，點知睇到嚇一跳，距離七一仲有兩日，但仲有好多活動都寫住「待定」或者「暫定」喎。
38項資料「待定」16項「暫定」
七一喺東涌社區會堂搞嘅「慶祝香港回歸二十六周年文藝匯演」仲括住「暫定」，「沙田區慶祝香港特別行政區成立二十六周年升旗禮暨文藝匯演」 嘅舉辦時間仲有「待定」，咁市民去唔去好呀？Ray 又花啲心機搜尋一下，原來網站仲有38項活動資料顯示「待定」，16項活動資料顯示「暫定」，對於整體265項活動，比例絕對唔可以話係少，話晒呢個都係官方專題網站，市民去邊度慶祝回歸，可能都會參考呢啲資料，究竟係網站未更新，定係活動真係未有定案，Ray 問緊民政事務總署，暫未有回覆。
網站多項資料顯示「待定」（網站截圖）
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
