麥美娟澄清冇成立過任何基金募捐，呼籲街坊唔好上當！(資料圖片／蘇文傑攝)
騙徒手法層出不窮，連現任或前任政府高官都會被不法分子用嚟呃人，近日就輪到民政及青年事務局局長麥美娟受害。佢今日(10日)喺facebook話，近日有街坊收到不明人士來電，話多謝佢哋支持麥美娟咁多年，所以有啲禮物送返畀佢哋，仲聲稱已經成立咗一個基金，只要每月捐款就可以收到禮物。
唔知係咪因為麥美娟做過好多年區議員同立法會議員，騙徒就向佢嘅支持者埋手呢？麥美娟知道有騙案之後急急澄清，話自己從未成立任何基金募捐，呼籲市民要提高警覺、慎防騙案，又提醒如果有不明人士來電聲稱有禮物收同要求捐錢，千祈唔好畀錢，兼且要即刻向警方報案！
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
