新巴併入城巴在即，決定新車身顏色嘅投票活動亦已進入員工階段。(資料圖片)
新巴7月1號將會併入城巴，日後將唔再採用依家嘅橙、白、綠車身顏色。兩巴之前舉行咗兩星期「城巴新裝」公眾投票活動，畀公眾喺5款車身塗裝之中票投心水顏色，活動今日(20日)進入第二階段內部投票，由員工喺兩款最高票嘅塗裝「二選一」。
5款新塗裝巴士日內會載客
城巴話，最高票嘅兩款都係以城巴鮮明同經典嘅黃色做藍本，得票率分別有35.7%同23.9%。5款新塗裝都喺中環海濱活動空間嘅「One Citybus展覽」展出過，今次跑出嘅兩款都係相對簡約、冇咁多花款嘅設計。
距離新巴併入城巴仲有大約10日，城巴話合併當日就會公布最終結果，之後就會為約700部新巴轉車身顏色。至於披上5款塗裝嘅巴士，城巴話喺公眾投票完咗之後、合併前會行走兩巴路線，同市民見一見面！
兩款入圍新車身塗裝顏色
amJetso送太興鮮臘腸 👇立即按此參加
