Ray Online｜李家超引《桃花源記》，稱需宣傳香港係個「桃花源」。(林靄怡攝)
陶淵明嘅《桃花源記》相信大家曾經讀過，故事係話當年有村民嘅祖先為咗避開秦時嘅戰亂，帶著妻子兒女和鄉里走到一個與世隔絕嘅地方，從此跟桃花源外面嘅人斷絕來往，直至一位漁夫因迷路闖入，始知有桃花源呢個地方。陶淵明呢個著名故事今日(13日)被特首李家超引用，他喺立法會互動交流答問會上話，要宣傳香港係個「桃花源」，並要打造香港喺不同方面嘅「桃花源」，但唔會像《桃花源記》咁係個隱世嘅地方喎。
非《桃花源記》中隱世嘅地方
李家超喺立法會上談到發展新質生產力和宏揚中華文化嘅議題，當討論到旅遊發展時，李家超回應議員陳永光、田北辰及郭偉強嘅提問，他說：「我之前讀書讀陶淵明的《桃花源記》，呢個世外桃源漁夫係迷路先去到，去完之後再去就搵唔到，縱使係世外桃源，冇人知係去唔到，所以香港點特別都好，宣傳好重要，宣傳才知道香港係個『桃花源』，但香港唔係《桃花源記》，因為《桃花源記》係個隱世嘅地方。」
然後李家超就說，要所有人都知道，所以香港要打造它喺不同方面嘅「桃花源」係非常正確，更要將香港不同「桃花源」講畀所有人聽，「桃花源」內有幾多桃花，大家平時點樣生活，係要在座嘅議員一齊創造一啲路線出來啫！
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
