Ray Online｜林素蔚患眼皮炎 自爆首次素顏出席立法會大會
平時冇戴眼鏡嘅立法會議員林素蔚，噚日開會嗰陣突然改變形象，戴返副眼鏡，望落仲好似比較樸素喎。原來佢患上咗眼皮炎，自爆噚日係第一次戴眼鏡兼素顏出席立法會會議呀。
林素蔚噚日喺社交網站分享突然眼痛，以為係隱形眼鏡有問題，點知戴唔到隱形眼鏡之餘，仲要去搵註冊視光師檢查下。視光師經過唔同嘅眼科儀器檢查之後，發現林素蔚患上眼皮炎，睇嚟未來幾日都要戴眼鏡加埋素顏見人啦。
Ray Online｜林素蔚患眼皮炎 自爆首次素顏出席立法會大會
認為視光師可分流輕症
近年政府提倡基層醫療，林素蔚借呢個機會提到視光師正正係基層醫療服務嘅重要一員，佢哋曾經接受大學眼科視光學本科訓練，可以透過儀器檢查瞳孔、眼壓、用螢光劑檢查眼角膜等，亦可以做診斷，非常專業。林素蔚覺得如果可以容許視光師幫市民檢查，分流輕症，可以大大舒緩公立醫院眼科輪候時間。
立即更新/下載AM730手機APP 體驗升級功能
