Ray Online｜梁熙：如teamLab展有攝影專員 可令訪客分享靚相「說好香港」
政府斥資5,000萬舉辦嘅「teamLab：光漣」展覽，正喺金鐘添馬公園一帶展出200幾粒巨型蛋型發光裝置。民建聯立法會議員梁熙就突發奇想，話如果現場有攝影專員幫幫手揸機影靚相，可以令到遊人不枉此行，更加可以令大家有靚相，喺社交媒體分享相片一齊「說好香港」。
提議攝影專員教導技巧
梁熙今日喺社交網站分享展覽嘅宣傳片，唔知佢係咪平時都有「打卡」嘅煩惱，佢話影相同拍片有濾鏡真係好重要，尤其以光影主題要影得好就更加困難。梁熙話去到景點，成日聽到有訪客話「背光好難影」、「塊面黑晒」、「點解好似貨不對版」、「點解影到萬聖節咁」。換位思考，佢覺得如果現場有攝影專員就好啦，可以直接幫手揸機影靚相，又或者提供打卡技巧喎。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
