楊潤雄遭冒認後，發文澄清不會以Facebook聯絡朋友。(資料圖片／林俊源攝)
公眾人物係騙徒冒認身份嘅目標，連文化體育及旅遊局前局長楊潤雄都遭殃，畀懷疑騙徒冒認，仲喺佢嘅朋友圈入手，透過Facebook聯絡朋友。
強調不會用Facebook帳戶聯絡朋友
楊潤雄退任之後，暫時都未見佢嘅身影。不過周不時都會喺Facebook發文，佢噚日就發文話最近發現有人用「Kevin Yeung」，即係佢嘅英文名做帳戶名稱，唔單止轉載佢嘅帖文，仲聯絡佢嘅朋友。楊潤雄提醒大家小心，強調佢唔會用Facebook帳戶聯絡大家，亦都只係得一個Facebook帳戶。
【限時激減】800 amFUN 2盒！1200 amFUN 4盒！
