湯家驊金榜題名（湯家驊Facebook圖片）
行政會議成員湯家驊(Ronny)中學畢業於皇仁書院，1972年更喺香港大學法律系以全班第一名畢業，讀書能力相信就毋庸置疑，因乜解究佢一身紅色狀元袍行出嚟，笑到四萬咁口，話自己喺桂林靖王府科場高中狀元呢？原來佢去咗廣西師範大學嘅廣西貢院，親身坐入考舍，體驗古時考生嘅科舉感受。
廣西貢院曾為靖江藩王王府
講返歷史，廣西貢院原於明朝係靖江藩王王府，順治十四年先改建為縣試貢院，考場裡面嘅平頂考舍每間寬約1.5米，高約2.2米，進深約1.5米，古代考生就對號入座，奮筆疾書，希望考取功名。廣西貢院極盛時有5,000考舍，因出過4位狀元而聞名當世。
所謂久旱逢甘霖，他鄉遇故知，洞房花燭夜，金榜掛名時。唔知Ronny坐喺考舍之中，會唔會都會諗到計仔，幫香港經濟重遇甘霖呢？
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
