「滙豐香港社區節」吸引接近8,000人參與。(滙豐提供)
滙豐銀行與社聯合作嘅「滙豐香港社區夥伴計劃」，透過滙豐嘅力量同匯聚社區夥伴，為社會注入正能量。今年嘅「滙豐香港社區夥伴計劃」合共有30個項目獲選，估計將會有超過13.7萬人受惠，其中四成旨在推廣跨代共融，仲有四成項目就針對青年人發展。
「滙豐香港社區夥伴計劃」嘅旗艦活動「滙豐香港社區節」，今日(17號)就喺中環遮打道行人專用區舉行，吸引接近8,000人參與。滙豐銀行慈善基金主席王冬勝就話，社區夥伴計劃成功建立一個集中支持本地社福機構嘅強大網絡，並鼓勵中學生運用創意應對社區需要，日後會繼續同各個社區夥伴合作，幫助有需要人士。
