Ray Online｜盧寵茂畀「心心」手勢有意思？稱輪候病人如「鐵達尼」徘徊生死邊緣。(李睿哲攝)
「救人一命勝造七級浮屠」，呢句說話不但凸顯生命無價，更重要係提醒世人透過器官捐贈，幫助生命重生呢個無私「大愛」行為。
近日忙住宣傳器官捐贈嘅醫務衞生局長盧寵茂，今日就去到立法會出席器官捐贈推廣活動，他提到喺醫學界會用「鐵達尼號」呢個悲劇，去形容器官移植病人嘅處境，因為佢哋徘徊喺生死邊緣，但佢話可以幫到佢哋救命嘅器官絕對不夠。盧寵茂同Ray講，我哋作為整個社會嘅一分子，絕對有責任幫助處於呢個危機嘅病人，「點樣搵多啲救生艇，搵多啲器官幫佢哋」。佢仲話，喺災難中相信所有人都應該一條心，都係抱着一個理念，就係要發揮人性光輝。
Ray Online｜盧寵茂畀「心心」手勢有意思？稱輪候病人如「鐵達尼」徘徊生死邊緣。(李睿哲攝)
Ray仲見到盧寵茂向大家做出一個「心心」手勢，佢話呢個手勢依家很多人都鍾意，特別係影相時一定要拿個「心心」出嚟。佢仲話，每次睇到有人拎住「心心」嚟拍照時，都會提醒佢喺上年12月，一個4個月大嘅女嬰透過跨境器官互助，令呢個女嬰嘅心心仍然跳動。盧寵茂仲話，我哋應該要永遠聽住佢嘅心跳聲，更加形容係最大嘅動力，去推動任何可以幫助器官移植嘅病人。
amJetso送太興鮮臘腸 👇立即按此參加
