Ray Online｜立法會擴建平頂儀式舉行，主席梁君彥指，議員聽到「23」就興奮，又指會選擇23日入伙。(陳芷晴攝)
立法會大樓進行緊擴建工程，今日舉行平頂儀式。立法會主席梁君彥話希望今年可以畀所有議員搬入大樓辦公室，同一屋簷下工作。
直擊立法會擴建平頂儀式：
特首李家超、房屋局局長何永賢等等嚟到立法會出席儀式。梁君彥致辭話，每次李家超嚟都係23號，一講起23號，議員就好興奮，所以年尾入伙會揀11月23號或者12月23號。
今日係李家超第一次參觀組裝合成議員辦公室，仲會同議員茶聚。梁君彥覺得充分體現政府對立法會嘅重視，同對議員嘅關心。佢哋一行人去到立法會大樓12樓參觀新落成嘅議員辦公室，傳媒冇得跟上去，只可以睇佢哋參觀嘅直播。梁君彥介紹議員辦公室，話組裝合成手法要精準砌好每一個組件，就好似立法會同政府精準設計政策，為市民謀幸福。