Doreen話自己唔係「跑手」，都會參加12公里賽支持一下！(資料圖片／陳奕釗攝)
疫情過後唔少大型體育活動陸續重新舉辦實體賽，不過經濟放緩加上移民潮，唔少組織籌款數字都受影響。不時落區關注基層市民嘅選委界立法會議員江玉歡(Doreen)，今日(3號)就喺社交網站出Post，呼籲大家支持一下非牟利慈善團體「苗圃行動」嘅慈善越野跑。
Doreen提到，苗圃行動除咗積極支持國內山區兒童，近年仲投入支援本地基層家庭，包括繼續幫忙唔同地區嘅基層市民及特困戶。佢話苗圃行動今年10月29號會舉行慈善馬拉松，分12、26同42公里賽事，只需要900元就可以一邊挑戰體能，一邊為苗圃籌款資助本地基層家庭同其他項目。
至於Doreen本人參唔參加？佢話自己雖然唔係「跑手」，但都會全力支持苗圃行動，參加12公里嘅慈善越野馬拉松賽事，Ray喺度祝佢跑得順利！
立即更新/下載AM730手機APP 體驗升級功能
