Ray Online｜袁國勇自爆小學已有追求者 到中學重遇去舞會但無下文
港大微生物學系講座教授袁國勇出自傳，當中自爆原來小學已經有女同學追，去到中學重遇，不過最終冇下文。
自傳中提到，袁國勇讀小學嗰陣，老師同佢媽媽八卦，話有一個女同學成日喺家政堂之後送嘢食畀袁國勇。六年班嗰陣，女同學更加喺農曆新年拜訪「見家長」。袁國勇自稱比較遲踏入青春期，理解唔到對方心意。點知兩人「再續前緣」，喺中六嗰年，個女仔突然聯絡袁國勇，兩個人去咗睇戲，仲去咗聖誕舞會。不過，佢哋最終冇下文，袁國勇話可能佢唔夠成熟同吸引，唔係對方杯茶。
大讚太太令他成為更好的人
當然唔少得太太，袁國勇喺自傳大讚太太會時刻掛住佢，等佢返屋企。就算全世界都唔在乎，太太總會有興趣聽自己嘅諗法，仲會指出佢嘅錯處。袁國勇都忍唔住形容「冇咗佢，我唔會成為一個更好嘅人」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
