香港鬧地荒，除了民主派打軍事用地主意外，田北俊亦提出收回部分軍營建屋。特首林鄭月娥早前已表明軍事用地並無閒置，田北俊對此不以為然，「林鄭講呢句說話，係咪解放軍同佢講話我冇閒置？定係佢自己覺得唔敢問呢？」他認為，特首應顧及港人對覓地建屋的需要，向中央政府提出釋放軍事用地的可行性。
政府以至土地供應專責小組均不敢提出收回軍事用地建屋，田北俊直言感到奇怪，但亦理解事涉敏感，不過，他指位於屯門和元朗的青山練靶場，面積達2,200公頃，係咪可以俾返我哋一半，即俾返一千公頃我哋起樓？」相對於填海興建人工島，他認為這是最快捷增闢土地建屋的方法，「西九都『吽』咗十幾廿年，啟德又係，你叫佢填個人工島，我諗講得嚟都2047(年)都似。」
根據《駐軍法》第13條，特區政府如需將香港駐軍的部分軍事用地用於公共用途，須經中央政府批准。田北俊認為，特首可據此向中央提出有關要求。
對於林鄭月娥指稱軍事用地無閒置，他指不少新界西北附近居民或行山人士反映，「佢哋感覺係根本從來唔見解放軍喺度做咩操練，從來覺得『閒置』呢兩個字係點定義？」他續說，特首應向北京提出香港缺地，「如果解放軍同北京講『我哋冇閒置，叫特區政府唔好嚟問我攞』，我會接受……但暫時嚟講我哋都唔知，點解唔去問吓呢？」
入App免費拎荷花BB展入場券
