譚俊彥獲頒視帝，但狄龍全程嬲爆爆。
譚俊彥憑《換命真相》首奪視帝，同時獲頒馬來西亞視帝兼「最佳衣著男藝人」，可說是三喜臨門！當晚譚俊彥的父母狄龍及陶敏明坐在觀眾席上見證囝囝獲獎一刻，陶敏明開心得企起身，而狄龍全程表現冷靜，甚至一度用手打圈。事後譚俊彥在台下接受訪問時，狄龍突入訓話，因為直播關係，網民見證住整個教仔過程。
狄龍指領獎是幸運
譚俊彥在台下仍難掩激動心情，並哽咽多謝馬來西亞和新加坡等地的觀眾，並趁機多謝在台上漏說的經理人和台前幕後。之後狄龍走到譚俊彥身旁插咀說︰「我知道我個仔因為我做呢行，唔想衰俾我睇，呢樣我都贊成﹗我最鍾意用理性，多過感情角度去睇件事﹗我想話你知，你要感激過去、努力當下、放眼未來，你有幾大嘅能力就有幾大嘅責任，當然你要用行為用工作去報答支持你嘅人同觀眾。今日你好幸運，但同你一齊競爭嘅人嘅技巧，唔一定輸過你，只不過輸咗個運氣俾你﹗」
當譚俊彥致詞的時候，狄龍更用手打圈示意，太太捉住狄龍的手，非常好笑。
狄龍突入，並隨即訓話，但譚俊彥未有黑面，虛心聽老竇講道理。
譚俊彥接受訪問，而這個訪問是以直播形式進行。
狄龍︰我都付出好多
之後狄龍續說︰「如果你有你嘅初心，你要對你屋企人，對你嘅小朋友、對太太、對媽咪努力﹗因為時間係有限， 我哋七十幾歲人，唔知睇得幾多時間，但我好感激你，為咗你嘅工作唔使令我難過，而付出咁大嘅努力，去追求你嘅成功，但你要知道你付出咗好多，我都付出咗好多！」譚俊彥在旁點頭說︰「當然！當然！」狄龍續說︰「但我唔想睇到你難過，我唔想睇到你失敗後嘅失落，我認為人生應該仲有一樣嘢，你要了解點解失敗、失落。」譚俊彥插咀說︰「所以我唔敢叫你嚟！」但狄龍未有中斷講話，繼續訓話。
狄龍讚兒子炒飯好食
狄龍說︰「點解我圈你呢？我驚你過度咗，但媽咪真係衷心支持你，我都係衷心支持你，OK？你以後仲要謙虛啲，做到你想做嘅嘢，你煮嘅炒飯係好食嘅﹗」沒想到狄龍竟然是讚譚俊彥炒得一手好飯，而非他的工作表現，令不少網民看完忍不住笑！及後主持問狄龍有沒有為兒子感到驕傲，他說︰「我覺得佢如果有能力，有進步空間嘅時候，可以諗吓退居幕後，例如做一個製作人、導演，你可以提拔到後輩。」
狄龍沒有讚兒子的演技，反而讚對方的炒飯好吃！
其後二人應要求擁抱。
沒想到狄龍擁抱完繼續訓話。
著譚俊彥做幕後
狄龍認為做幕後可以拍到社會上需要，一些正能量，能做到一些更影響人心的作品︰「你見到志偉咁成功，係因為佢可以影響好多人，佢嘅成就同能力使人好開心，使人開心好難，拍悲劇容易啲，拍喜劇好難﹗如果將來你能散播多啲歡樂，我會更加開心囉﹗」譚俊彥聽到老竇叫他退居幕後時，一度感到驚訝，及後他望住狄龍就：「我今日最開心就係你喺度﹗」狄龍聽完兒子這番說話答道：「你揸車返去要放慢啲，你慢慢揸」譚俊彥答完好便著狄龍翌日去探孫兒，之後二人又應要求擁抱，但狄龍仍繼續叮囑兒子，可見他是一位嚴父。
相關新聞：
台慶頒獎禮｜譚俊彥大熱姿態成雙料視帝 多謝太太︰你係我全部！
台慶頒獎禮｜鍾嘉欣譚俊彥鷹馬來西亞視后視帝
台慶頒獎禮完整得獎名單 譚俊彥林夏薇成視帝視后
狄龍太太一提到囝囝拎獎笑過不停，而狄龍就繼續冷靜，形成強大對比。
狄龍是一位嚴父。
amJetso送太興鮮臘腸 👇立即按此參加
