國家隊訪港｜羅淑佩面貼面與鄒敬園合照　李家超向馬龍指曾參加乒乓球班際比賽｜ Ray Online

國家隊運動員噚日到達香港，展開一連3日行程。特區政府噚晚為國家隊舉辦歡迎晚宴，出席人士都把握機會同運動員「打卡」合照，房屋署署長羅淑佩仲要近距離、面貼面同體操運動員鄒敬園自拍！

羅淑佩喺社交網站分享好多合照，佢話「能夠近距離見到國家金牌運動員，原來真是萬分興奮的!!!!!我成功與「龍隊」合照啦，還有雙槓鄒敬園和跳水曹緣!!! 超開心!!!!!」短短幾句文字都睇得出羅淑佩有幾興奮。

李家超曾參加乒乓球班際比賽

國家隊運動員噚日到達禮賓府嗰陣，行政長官李家超同佢哋逐一握手。李家超同乒乓波運動員馬龍交流，同佢講自己讀書嗰陣參加過乒乓波班際比賽。馬龍問李家超揸直板定橫板，李家超回應話係直板。李家超仲同跳水運動員全紅嬋交流，問佢訓練係咪好艱苦，全紅嬋回應話每個運動員都係艱苦訓練嘅。

amJetso送 Bodysonic先力牌窗口式冷氣機X靜音循環風扇X電動冷凍小風扇