劉鑾雄昨召開記者會回應多項提問。(陳奕釗攝)
劉鑾雄昨召開記者會回應多項提問。(陳奕釗攝)
71歲富商劉鑾雄(大劉)日前被拍得與前女友呂麗君(現名呂姵霖)於銅鑼灣同行，被傳「二人復合」，因而再成傳媒焦點；劉鑾雄昨早召開記者會交代二人關係，斥呂不知悔改，請網絡打手造謠生事，又指與呂見面完全為了一對仔女。在90分鐘的記者會中，劉鑾雄又激談其情史及多宗「都市傳聞」，並回應蕭若元對他的評論。
劉鑾雄昨談及娛樂圈中舊愛時強調，今次出來澄清是不想再有人造謠生非：「蕭才子話我最愛係李嘉欣，咩The One，唉……好多嘢谷谷埋埋。」他解釋，「我哋尖沙咀座大廈叫The One，嗰個名，係我個仔劉鳴煒改嘅，我本人呀，你聽清楚就知，我本人呀，喺任何思想、任何環境之下，都未曾諗過一個名叫The One。」至於在2006年他以下款「The One」在報章刊登祝賀「Michelle(李嘉欣)」生日快樂的全版廣告，大劉稱自己好肯幫人，「當有啲人想搵老襯，成個廣告版隊埋嚟，叫我搵啲秘書去登廣告，我都會照幫手嘅……」他強調自己英文「水皮」，「我本人從來都無諗過個字叫『The One』，工作上同私人都無諗過……個稿係人哋交嚟叫我秘書去登，就借我秘書去呃個老襯囉。」
amJetso送太興鮮臘腸 👇立即按此參加
