羅淑佩指港產大熊貓龍鳳胎乳名「家姐細佬」與改名無衝突
一對港產大熊貓龍鳳胎未同公眾會面，已經備受矚目，大家都習慣用「家姐」同「細佬」稱呼佢哋，咁到底仲會唔會幫佢哋再改名呢？文化體育及旅遊局局長羅淑佩話乳名同正式改名冇衝突，仲自爆「我細個都叫奀女啦！」
認為乳名與改名無衝突
文體旅局噚日舉行記者會公布《香港旅遊業發展藍圖2.0》，羅淑佩都係用「家姐」同「細佬」稱呼一對大熊貓龍鳳胎。佢今日喺電台節目解釋「家姐」、「細佬」就好似大家細個嘅乳名，佢同意呢兩個乳名已經深入民心，但係強調為大熊貓改名要好小心，包括要尊重四川方面嘅睇法。就算一對大熊貓龍鳳胎之後有另一個正式稱呼，羅淑佩相信大家都會繼續叫佢哋「家姐」、「細佬」，佢覺得兩者冇衝突。海洋公園而家總共有6隻大熊貓，羅淑佩覺得有潛質培育成「明星」吸引旅客。
▼安安已正式與公眾見面▼
▼可可已正式與公眾見面▼
立即更新/下載AM730手機APP 體驗升級功能
