（漁護署fb圖片／資料圖片）
一隻澳洲鴕鳥「鴯鶓」5月時於天水圍到處遊蕩，被市民拍下照片，其後被捕獲，由漁護署動物管理中心照顧，為牠尋家。
職員為「鴯鶓」梳毛及餵食水果
漁護署今日（25日）在facebook專頁上載「鴯鶓」的最新情況，「各位關心我嘅人類朋友：唔知大家仲記唔記得我呢？我就係嗰隻5月喺天水圍被人發現嘅鴯鶓。我而家喺漁護署嘅動物管理中心生活」，並附上3張照片，顯示職員正在為「鴯鶓」梳毛及餵食水果，「入面啲哥哥姐姐照顧得我好好㗎！我最鍾意就係佢哋幫我梳毛，同埋食好好味嘅生果。」漁護署又表示，該隻鴯鶓狀況良好，署方正聯絡伙伴動物福利機構，「幫佢尋找一個永久嘅家」。
網民留言笑指「睇個樣真係好似善良咗好多」、「通街跑個隻」；亦有網民關心鴯鶓「有冇得跑步呢？成日在籠就慘慘豬」。
至今尚未有人認領
事發於5月25日，一隻澳洲鴕鳥「鴯鶓」被發現在天水圍馬路上狂奔，旁邊有私家車駛過，亦有網民指在濕地公園輕鐵站見到鴕鳥蹤影，牠四處遊蕩後，愛護動物協會在濕地公園附近尋獲牠，將牠捕獲後暫交由漁護署動物管理中心照顧，惟至今尚未有人認領。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
