文體旅局指跳彈床是人類活動而非體育活動 不應以專業方式規管(Ryze彈床樂園官網圖片)
去年發生跳彈床意外，兩名青年互撼受傷需送院治理。民建聯立法會議員梁熙今日在立法會提出口頭質詢，關注政府會否安排部門負起第一責任人角色，牽頭並統籌規管工作。不過，文化體育及旅遊局指跳彈床是「人類活動」，而非「正式體育活動」，不應以專業方式規管。
議員陸頌雄指跳彈床屬奧運項目，直言「我百思不得其解，點定義運動？我唔明奧運都有嘅項目點解唔係運動？你話係人類嘅活動，咁所有嘢都係人類嘅活動」。
劉震解釋「人類活動」總類繁多
文體旅局副局長劉震解釋「人類活動」總類繁多，並非每種行為都要由體育項目規管出發，舉例「駕駛有安全需要，但唔會用賽車嘅規例限制；步行有危險，交通安排都唔會用競步去規管行路方法」。他澄清並非指不需規管跳彈床，認為可以討論規管的必要性，只是不應用專業運動方式規管。
amJetso送太興鮮臘腸 👇立即按此參加
