施政報告2023｜李家超讀贍養費變「瞻仰費」　網民：真係冇陰功｜Ray Online

行政長官李家超今日宣讀新一份施政報告，長達3個鐘又20分鐘，係歷嚟最耐。唔知係咪因為太攰，佢讀到婦女發展範疇，提到會透過關愛基金推出「贍養費調解試行計劃」，協助與事雙方，包括被拖欠贍養費嘅婦女，以調解方式解決爭議。呢一段出現咗兩次「贍養費」，佢就兩次將「贍」字嘅讀音讀成「瞻」，成件事就變咗「瞻仰費」啦。

網民：瞻仰遺容都要收費真係冇陰功

將離婚呢件慘事變成另一個不幸，引嚟網民熱議，有人話瞻仰遺容都要收費，真係冇陰功呀。另外又有網民話贍養費變咗「瞻仰費」，聽咗啲乜嘢，形容實在頂唔順，太好笑啦！