施政報告2024｜劉鳴煒在IG教譯「我唔過海」。(資料圖片)
特首李家超尋日(16日)發表咗佢任內第三份《施政報告》，提到要開拓中東同東盟旅客客源，仲鼓勵的士車隊用阿拉伯語提供車隊服務資訊。呢個引起唔少網民笑言，係咪代表的士司機要學阿拉伯語。
延伸閱讀：對症下藥穩樓市 開放城市續繁榮
消息指非要求司機學阿拉伯語
本港富商大劉嘅大仔、曾經係海洋公園主席嘅華置(0127)非執董兼主席劉鳴煒，就係社交平台Instagram發限時動態，轉發咗有關新聞話「呢個就係我每星期用超過7個鐘學阿拉伯語嘅原因」，他之後再出多個story將「我唔過海」翻譯成阿拉伯語，真係非常搞笑，唔知佢係咪方便將來的士大佬「婉拒客戶」時用？
不過，有政府消息人士指，有關措施並唔係要求司機學阿拉伯語，而係喺車內張貼阿拉伯語告示，提供收費等資訊。
▼施政報告2024關鍵詞▼
立即更新/下載AM730手機APP 體驗升級功能
