施政報告2024｜張宇人疑似不敵睡意 行會成員亦失焦閉目養神｜Ray Online(吳康琦攝)
行政長官宣讀施政報告嘅時間長，每年總有啲官員、議員等等疑似畀睡意打敗，自由黨立法會議員張宇人今日又喺宣讀施政報告期間疑似瞓著。
行會成員和議員疑似不敵睡意
喺行政長官李家超入場宣讀施政報告之前，一班議員同官員望落都好精神，好興奮咁周圍打卡合照。不過隨住宣讀時間過去，佢哋都慢慢失焦，張宇人就被捕捉到除低眼鏡，疑似低頭瞓覺。民建聯立法會議員陳克勤就喺到捽手指，唔知係咪為咗令自己精神啲，選擇同側邊嘅黨友李慧琼傾幾句提神。仲有幾個行會成員疑似畀睡意「急Call」，包括任志剛同林正財都忍唔住合埋雙眼休息。
