行將90歲的李嘉誠，日前宣布從汕頭大學校董會名譽主席一職退下，由次子、汕大校董李澤楷接棒，繼續推動教育改革。過去甚少沾手李嘉誠基金會工作的李澤楷，上周特意陪同父親出席汕大畢業禮，兩父子更一同與傳媒會面，李澤楷笑言現時無法做到如父親一樣，日睡4小時全程投入公益事業，否則自己的保險事業一定會「散晒」，但樂意肩負此重任，並會逐步投入更多時間和精力。
李嘉誠上周五最後一次以汕大名譽主席身份出席汕大畢業禮，期間抽空與香港傳媒茶敘，兩父子同結上汕大領呔亮相，近1小時的會面，李澤楷甚少開腔，李嘉誠則全程侃侃而談，從創辦汕大的艱苦點滴，談到基金會的工作及交棒安排，「我90歲啦，應知幾時退，Richard(李澤楷)冇得推，佢(將來)係基金會副主席，Victor(長子李澤鉅)係主席，所以國內好多project(項目)，佢將來都要睇。」
叱吒商界多年的李嘉誠，今年5月退休，轉任長實集團資深顧問，但基金會的工作未有一刻停下來，他笑言，「都唔知點解，搞搞下退休到依家一個月，我仲忙過以前。」李嘉誠基金會自1980年成立至今，項目捐款逾200億元，逾八成用於大中華地區。他強調，基金會每個分毫都要做得有意義，「細到一、二百萬都得，只要有時間安排，大到一百億都可以……」他指現時天天都有新項目，但不一定每個項目都會做，「(如果)單單做，有個鑽石礦、金礦都做唔晒，你都唔夠使……」但近期便在一、兩日間決定捐款支持悉尼大學一個癌症研究項目，金額約2、3千萬港元。
定基金會捐款比率 免下一代怠惰
李嘉誠已為基金會的捐款比率定下規則，每年至少捐出現金收入的25%，比率可至35%，遇上天災人禍時更可達50%，「基金會除咗戰爭同政治，永遠都喺度；為咗防止下一代怠惰話『今年唔需要捐咁多』，唔得，都要捐出去。」他並規定家族成員不能動用基金會分毫，「我family(家人)一個penny(一分錢)都唔能夠掂，我自己都唔得，我借錢俾佢(基金會)得，我同佢(基金會)借錢就唔得，好嚴格執行。」
汕大是李嘉誠基金會的核心項目，李嘉誠揚言對汕大是超越生命的承諾，但他這份初心的許諾在創辦汕大初期得不到共鳴，經常被無力感籠罩，聽得最多的是「孤獨的激情」、「愚公移山」的嘲諷。當時各方意見都建議把汕大辦成一所私立大學，可遠離法規，便於管理，但李嘉誠不同意，他堅信這對推動國家教育改革毫無意義，汕大最終成為中國唯一私人資助的公立大學，當中七成的建設發展資金來自李嘉誠基金會，扮演教育改革試驗田的獨特角色。經過38年的投入，汕大的表現位列世界三大權威排行榜，獲得國際認可。
1981年創辦汕大時，李嘉誠已答允捐款3億港元，但他心知這只是起步，並不足夠，基金會至今對汕大的支持款項超過100億港元。他亦私下撥出大量額外資源為汕大招攬世界各地人才，用盡方法及渠道全面支持汕大的發展，包括於去年將私人出資與汕頭市合作發展的商住寫字樓「汕頭第一城」項目的本金及利潤，全數歸入大學的基金會。基金會全力投放在教育及醫療，但每個投入項目及捐款很多時並無對外公布，他說，「由去年底到今年初，我捐咗二十幾億，但外面睇相信唔夠一億，好嘅項目就做，唔需要宣布。」
對於接棒推動教育改革，李澤楷說，「如果做一件係為社會出力嘅事，其實精神、時間付出比金錢更多，好老實講，以我今日係做唔到，即係做唔到一邊工作，一邊擺咁多精神時間出嚟，希望第日逐步可以做多啲，但今日嚟講，一日瞓四個鐘，我第日保險生意一定散晒。」
李嘉誠補充說，過去38年為汕大奠下今日的基礎，「Richard嚟到，可以同基金會合作，會照過去嘅途徑做，但我唔敢擔保機會forever，要有適合project先做。」他又說，汕大從不缺資金推行好的項目，大學至今從無負債，亦無向銀行借錢，現時存放於汕頭的現金還有一、二十億元，供大學有需要時使用，「但將來佢哋有佢哋嘅想法，我唔可以咩都投入精神，(我)90歲，都要留番少少精力。」
大學是政治最敏感之地
李嘉誠亦解釋過去以汕大名譽主席身份參與汕大工作，而拒絕出任校董會主席的原因，「大學係一個政治最敏感嘅地方，我哋喺香港，內地好多情形我哋都唔係好熟，所以負責嘅係國家派嚟嘅校長。」
他續說，「Richard 以基金會身份嚟睇吓有咩可以幫手……有需要時，基金會一定支持，基金會亦預備喺有需要同可能情況下不停做，所以Richard開始做校董會董事，但基金會如果呢度(汕頭)唔做，第二個地方我都會做，第二個地方係指國內大中華地區。」李嘉誠強調，李澤楷推動教育改革的使命，並不局限於汕頭。李嘉誠又說，一生能為國家教育作出貢獻，「係我嘅榮幸同幸運」。
李嘉誠出席汕大畢業禮，李嘉誠基金會董事周凱旋(左)一直陪伴在側。
李氏父子在汕頭與傳媒茶敘。
汕大醫學院大樓外，有人掛上「誠哥，您好！」的橫額。
入App免費拎荷花BB展入場券
