毅行者2024開賽前夕檢查站，遭大批馬騮搶掠物資。(飛天中隊@FB)
樂施會主辦的遠足籌款活動毅行者將今早舉行。大會在沿途設置多個檢查站，部份檢查站則設有食物及飲品供參加者補充體力。然而賽事前夕，昨日有流傳影片，可見一群約有數十隻的馬騮在其中一個檢查站掠奪的物資，現場地上散落水杯、水樽及桶裝水樽。
據指，現場為毅行者6號檢查站，位於九龍水塘及金山郊野公園附近。金山郊野公園一帶本身有大批馬騮聚居，大會預先設置的糧水吸引馬騮前來覓食，馬騮不住輪流伸入到尼龍袋被掠奪物資。網上流傳影片長約10秒，拍片者笑指：「嘩！睇幾開心」。
網民：點會有啲咁嘅低級錯誤？
有網民指：「先頭部隊不是人，而是成班馬騮，冇報名參加100km(公里)毅行者，已經橫掃6、7、8check point……吾(唔)知是否上到大帽山？」網民紛紛留言：「真‧走‧私‧坳」、「最快到達隊伍」、「毅行者馬騮版」、「毅行者輸咗比孫行者」，亦有人質疑：「年年都搞，點會有D(啲)咁既(嘅)低級錯誤？」、「1年1次大食會！Set up嘅人無考慮過有原居民出現？點解唔派保安站崗？」，亦有人認為「……睇黎(嚟)聽日(今日)都補唔切(補給品)」。
立即更新/下載AM730手機APP 體驗升級功能
