社交平台Facebook報道新城市廣場消息的專頁「新城市廣場資訊站」發佈一段題爲「煙火完結後的新城市廣場需要關閉扶手電梯控制人流」影片
為慶祝沙田新城市廣場40周年，商場於上周六（16日）晚上8時30分舉行煙火匯演《沙田同心同行40載：冬日閃亮花火祭》，綻放2024枚煙火，歷時8分鐘，再加上現場聖誕燈飾及裝置亦會同步亮燈，吸引大批市民在商場戶外空間及附近地區觀賞。活動完結後大批人潮在新城市廣場離開，其中有扶手電梯幾乎出現「塞人」意外，保安催促人流盡快向前行，及在電梯上層「截人」，及時避免危險發生。
社交平台Facebook報道新城市廣場消息的專頁「新城市廣場資訊站」發佈一段題為「煙火完結後的新城市廣場需要關閉扶手電梯控制人流」影片，影片顯示大批市民擠在場內多條扶手電梯，其中一條下行扶手電梯的出口，左右兩邊都企滿人，因人太多而擠塞，即將到步的人被前面人群阻擋，未能及時散去，後面又「續有追兵」陸續有人到。期間，有保安人員大叫「行快啲！行快啲」，令人群仍可及時「分流」。影片亦可見有保安人員截停電梯上層入口人群。
影片引發網民熱議，「好得人驚，分分鐘人踩人」、「無人踩人都偷笑」、「好彩冇事」、「停扶手梯是常識吧」、「明知咁多人落去電梯，點解唔一早關停佢，好彩冇意外姐」、「唔怪得最後4條梯全部較晒向上行」、「好明顯管理公司經理(驗)不足，呢啲情況一早關咗扶手梯先」、「好多人無危機意識，人山人海，落完電梯企係到兩頭望，快x啲走開，睇到眼火爆」。
網民藉機批港鐵左右兩邊企 「咪會咁囉塞死晒攬炒」
並有網民藉此批評港鐵加強宣傳搭電梯時應「左右兩邊企」而非「左行右企」的政策，「左右企定咪會咁囉，塞死晒攬炒」、「之後地鐵兩邊企人都會咁，因為有啲人會企喺梯口兩頭望塞住後面」、「左右兩邊企，要出事會大鑊過左行右企」、「贊成兩邊企既人唔該你地擘大隻眼睇下」，亦有人回應「應該又唔關事嘅，人流太多左行右企都會係變左左右都企，其實應該熄電梯」。
