(黃文山攝)
油塘油美苑昨晨發生駭人聽聞劫案，一名女子深夜放工行經上址，遭一名男子從後箍頸及聲稱打劫，先後被迫脫去內褲和胸圍，其後，賊人竟與女事主談心，透露3年無拍拖，要求女事主做其女友，並索取對方手機號碼，幸一名休班警員跑步途經附近，賊人慌忙逃走。警方正追緝涉案男子。
事發於昨凌晨約2時52分，任職推銷員、38歲姓曾女事主，放工行經油美苑澤美閣近停車場地下(圖)，感有人尾隨，欲急步擺脫，突被人從後箍頸及掩咀，對方聲稱打劫。女事主反抗期間，頭部遭人揮拳狂毆。
曾女表示︰「(當時向賊人稱)冇帶銀包，佢話你無帶銀包就打死你，之後狂打我，又話無錢就除底褲，我問『喺街度點除』，佢話『我唔理，總之你扯出嚟，唔係我就幫你除，仲要想摸我』，(事主)唯有除俾佢，我同佢講『俾你係唔係你會走先』，佢話『係』，又不斷催我，跟住佢見到我撳電話，佢問『你係唔係報警』，我話『唔係報警』，跟住佢想搶我電話，我唔俾佢，跟住佢叫我除埋胸圍俾佢。」曾女唯有被迫服從。
此時，賊人突然向曾女透露心事，指自己無拍拖3年，問事主手機號碼並要求做他女朋友，又聲稱「對唔住，我唔係想傷害你」。其後，一名休班警員跑步途經，賊人擔心被捕，掠去曾女的胸圍內褲後逃去。女事主向休班警求助，並透露遭人搶去內衣褲，據指，當時亦有人不信，但見女事主頭破血流，於是代為報警及送院，女事主頭部需縫針。
警方昨午再到現場調查，尋找證物及目擊證人，正追緝涉案疑人，年約30至35歲，身高約1.6至1.7米，中等身材，蓄短黑曲髮，案發物時身穿淺色上衣。
立即更新/下載AM730手機APP 體驗升級功能
