2017-06-15 06:00:00

無奈接受判決郭基煇堅稱父親沒行賄意圖

新地案昨迎來「終極敗訴」，早前保釋的新地前聯席主席郭炳江，須即時返回監獄服刑。郭炳江兒子、新地執行董事郭基煇(圖)表示尊重法庭判決，但同時無奈接受，他多番強調父親為人正直，完全沒有行賄意圖。

郭基煇於庭外認為，陪審團被錯誤引導，「點解一個陪審團可以被引導到，完全唔睇(許仕仁)上任後做嘅任何行為，而判決當初嘅payment(付款)係一筆找尾數嘅協議，定係一個行賄嘅協議，定係一個甜頭。」他指情況猶如「睇咗上文唔睇下理」。

郭基煇深信父親或是「大意」、「論盡」，甚至「過分慷慨」，「不過我知道佢係完全、一啲行賄嘅意圖、一點都無………係真係好正直嘅。」發言期間多次表現激動地閉目及用力搖頭。被問為何沒有將君子協議明文紀錄，他只稱「當然好多苦衷，呢度唔再講」。

「曾叫許仕仁申報」新地澄清
被問到許仕仁涉及多個與新地有關的項目，因而出現利益衝突，郭基煇即指曾叫許仕仁申報，但對方沒有這樣做，「叫咗佢declare(申報)都唔declare(申報)，我哋無嘢好講………只可以話我哋預計唔到。」新地發言人其後澄清，指郭基煇的意思是，許仕仁作為政府高官，應該知道自己受不少條例及守則規定，需要作出申報，但沒有做。

對於裁決結果，郭基煇坦言「無奈地尊重及接受」，認為裁決只是父親人生里程的其中一天，將會積極面對未來，又謂父親過去近一年時間可以保釋，已經是「好大、好大嘅恩惠。」他又特別感謝新地主席郭炳聯過去兩年帶領公司。在開庭前，郭炳江曾表示，本周末將是他太太生日及父親節，希望可以一家人慶祝。