[專訪] 離開官場多年、現於香港大學執教鞭的麥齊光(圖)，對社會矛盾激化但無力化解的「病況」深有感受，並指兩年前發生的港大校委會風波正是「典型」事例，他親眼目睹非港大人到校園「打鑼打鼓」，直言「唔明白點解會發生喺校園裡面」，展望未來，他期望香港這個家園能重建和諧。 記者：鄭秀韻 攝影：蘇文傑
麥齊光現為港大土本工程系名譽教授，他自言對政治興趣不大，對敏感議題亦慎言，但對近年社會撕裂的情況，他侃侃而談。「我離開政府，喺大學教書，可能對我嚟講，有一個距離望番轉頭，我覺得社會有啲嘢係好唔應該爭拗，即係有啲嘢可以處理得好啲，呢個係有一啲領導風格嘅問題、做嘢風格嘅問題，呢樣嘢，我唔明解點解要咁樣處理！」
親睹非港大人校內 「打鑼打鼓」
港大副校長任命風波鬧至滿城風雨，正是一例。麥齊光提及港大事件時，無觸及任何人名，只以見證人身份談現象，「港大事件我近距離睇到！」他強調沒有與港大師生傾談有關事件，但他說，「因為我喺校園裡面，可以睇得好清楚，我亦見到有啲唔係大學裡面嘅人上嚟打鑼打鼓，呢樣嘢我唔明，唔明白點解會發生喺校園裡面……」
他指從已公開的文件資料，認為大家都知道事件來龍去脈，「呢個係一件幾典型嘅事，令我哋覺得點解香港要用咁嘅方法嚟處理一啲問題，一件咩事啫？選一個人入去做(副)校長，大家都做咗咁耐，做咩啫？」
他重提港大微生物學系主任袁國勇當年一番語重心長的說話，「袁國勇喺嗰件事，我覺得佢講到一般人嘅想法……佢話我哋(香港)過去百幾年能夠把持到一個平衡，點解呢幾年我哋好似冇咗呢個平衡，政治嘅(處理)方法去到一個敵對，佢話佢唔識玩呢啲政治……我覺得佢幾講得出我哋好多人內心嘅心聲！」袁國勇當年辭任港大校委會委員時說，過去百年社會有矛盾都可解決，但近3年的政治事件令港大每況愈下，無能力化解矛盾。
冀捨敵我矛盾方式處理問題
對於曾俊華是否有能力促進社會和諧，麥齊光說，「呢個當然係我嘅希望」，但困難亦不少，「因為社會發展面對嘅困難、挑戰，日日都唔同，你今日有能力做嘅嘢，同聽日面對嘅問題都可能唔同，你點可能日日用同一套嘢嚟做，尤其如果佢(曾俊華)要改變呢五年落嚟嘅方式，佢面對嘅問題都唔細。」他續說，「希望大家同心協力去做，佢有一個和諧嘅態度，點都比一個非黑即白、敵我矛盾咁嘅方式會好啲。」
被問及若其他人當選，會否預見社會撕裂情況持續？麥齊光說，「我冇咁諗呢個問題，因為我支持嘅時候，只係支持阿John(曾俊華)，我唔會同佢compare with第啲人，亦冇需要。」
近年不少香港人說要移民，但麥齊光從無萌生移民的念頭，「從來冇諗過，香港是我家！」
立即更新/下載AM730手機APP 體驗升級功能
