曾俊華結束逾三十載公務生涯，但慎言如昔，受訪前表明不談現屆政府施政，記者怎樣千方百計，他絲毫不透露對時局的看法，即使以年輕人苦無出路為切入點，他回應時亦顯得有所顧忌，「我講得嘅就係話，空間係自己創出嚟嘅，我諗每一樣嘢都睇自己點樣可以發展自己個小宇宙，係擴大佢，唔好等人慷慨咁分配俾你囉。」
問他是否慶幸離開「熱廚房」？他一貫「曾俊華式」答案，認為每人經過不階段，都會擔當不同角色，「每個人最重要係有一個選擇，如果有得選擇想做咩，係最開心。」他坦言非常享受現時所做的事，但年輕人眼前似乎無選擇餘地，「睇你嘅選擇係咩囉，其實每個人都有選擇，好多限制係所謂exogenous，係外圍嘅限制，其實好多空間可以創造出嚟，自己可以發展去搵一個方式，去創造自己嘅解決方法。」
從官場退下的曾俊華，雖然曝光率減少，但人氣未減，其Facebook專頁每次更新，仍引來不少「薯粉」讚好，很多留言都說「好掛住你！」他不揣測一眾「薯粉」是否仍沉醉於去年的夢境中，「其實當時我都講過，發過夢好過冇吖，你至少發過一次夢，但發夢都係被動嘅，如果大家想主動一啲，要去尋夢好啲。」
香港很多深層次問題未解決，他推說，「全世界每個地方都有好多深層次問題……」有人認為現屆政府未見落力進行修補社會撕裂的工作，他反問：「係咪呢？」然後說道：「關於香港情況，好多我都冇乜……唔係喺𠴱度(政府)，所以我都冇乜點講……」但他強調，仍然相信香港，並以香港為家，「我相信好多人都有自己睇法，大家都希望香港做得好，我相信佢哋，啟發自己去做自己做到嘅事。」
【限時激減】800 amFUN 2盒！1200 amFUN 4盒！
